Эрдўған Евро-2024даги мағлубиятдан сўнг футболчилар билан учрашди ва уларга тасалли берди
Туркия президенти Ражаб Тоййиб Эрдўған Евро-2024 доирасидаги Голландия билан ўйиндан сўнг миллий терма жамоа футболчиларини кийиниш хонасига ташриф буюриб, уларга тасалли берди. Бу ҳақда ҳукмрон Адолат ва тараққиёт партияси Х ижтимоий тармоғида маълум қилди.
“Жаноб президент ўйиндан сўнг кийиниш хонасида футболчилар билан учрашди”, — дейилади нашр хабарида.
Нашр этилган суратларда Эрдўған миллатчилик ҳаракати учун дисквалификация қилинган футболчи Мерих Демирал билан қўл бериб кўришгани акс этган.
Шунингдек, Эрдўған алоҳида, италян тилида Туркия терма жамоасининг Европа чемпионатида эришган натижаси учун миллий терма жамоа бош мураббийи Винчентсо Монтеллага миннатдорчилик билдирди.
Эрдўған Берлинга Туркия ва Голландия терма жамоалари ўртасидаги футбол ўйинини томоша қилиш учун келди. Голландияликлар 2:1 ҳисобида ғалаба қозониб, ярим финалга йўл олди.
