Парижда Ғазода асирга олинган исроилликларни озод қилиш бўйича музокаралар схемаси келишиб олинди

Францияда Исроил ва ҲАМАС террорчилик гуруҳи ўртасида асирга олинган одамларни озод қилиш бўйича музокараларни бошлаш схемаси келишиб олинди. Бу ҳақда Ynet нашри сиёсий доиралардаги манбаларга таяниб хабар бермоқда.

Манбаларга кўра, кейинги қадам Ғазо секторида қўйиб юборилиши режалаштирилаётган одамларнинг исм-шарифлари ва ўт очишни тўхтатиш шартларини муҳокама қилиш бўлади. Бу режа уруш кабинетида, тасдиқланса, кенгайтирилган Исроил вазирлар маҳкамасида кун тартибига киритилади.