Париж-2024 Паралимпия ўйинларига лицензия қўлга киритган спортчимиз тантанали кутиб олинди

Хабар берганимиздек, жорий йилнинг 19-21-май кунлари Швейцариянинг Люцерн шаҳрида пара академик эшкак эшиш бўйича жаҳон лисензион турнири бўлиб ўтди. Ушбу мусобақада М1Х классида 2000 метр масофага ўтказилган баҳсларда олтин медал ва Париж-2024 ёзги Паралимпия ўйинларига тўғридан-тўғри лицензияни қўлга киритган ҳамюртимиз Муҳайё Абдусатторова бугун юртимизга қайтиб келди.

Нуфузли мусобақада муваффақият қозонган пара спортчимиз Тошкент халқаро аэропортида Ўзбекистон Миллий паралимпия қўмитаси раҳбарияти, оила аъзолари ҳамда оммавий ахборот воситалари ходимлари томонидан тантанали кутиб олинди.