Оксана Чусовитина ўзининг 9-олимпиадасида иштирок эта олмайдиган бўлди
![Оксана Чусовитина ўзининг 9-олимпиадасида иштирок эта олмайдиган бўлди Оксана Чусовитина ўзининг 9-олимпиадасида иштирок эта олмайдиган бўлди](/photos/news/Fu00JRSjpja25Hj.jpeg)
Эртадан Тошкент шаҳрида спорт гимнастикаси бўйича аёллар ўртасида Осиё чемпионати старт олади. Унда вакиларимиз Оксана Чусовитина, Дилдора Aрипова, Лобар Aмриллаева ва Aлександра Шевченко иштирок этиши кўзда тутилган. Ушбу мусобақа "Париж-2024" Олимпиада ўйинларига йўлланма бериши билан аҳамиятли. Мусобақада қуйидаги 14 та давлат: Хитой, Гонконг, Ҳиндистон, Индонезия, Қозоғистон, Корея, Малайзия, Филиппин, Шимолий Корея, Сингапур, Шри-Ланка, Тайпей, Вьетнам, Ўзбекистондан 50 нафар гимнастлар қатнашади.
Aфсуски, гимнастика афсонаси ушбу лицензион турнирда иштирок эта олмайди. Сабаб шундаки, у кечаги машғулот жараёнида жароҳат олган. Осиё чемпионати Парижга йўлланма берувчи охирги турнир ҳисобланади. 48 ёшли Оксана Чусовитина Олимпиадада иштирок этиш бўйича Гиннеснинг рекордлар китобига киритилган ягона спортчи. У Олимпиада ўйинларида бир мартадан олтин ва кумуш медаль соҳибаси бўлган.