Nike "Барселона" либосини ишлаб чиқаришда хатога йўл қўйди

Nike ва "Барселона" ўртасидаги муносабатлар кескинлигича қолмоқда.

Нисбатан яқинда Каталония клуби президенти Жоан Лапорта ҳатто Nike билан келишмовчилик туфайли техник ҳомийни алмаштиришга рухсат берди.

AS ўз саҳифаларида хабар беришича, Nike энди клуб ҳомийси Spotify логотипидаги хатолик билан "Барселона" формасини ишлаб чиқарди.

Натижада, каталонияликлар янги либосни сота олмайди ва кўчалар сайёҳлар билан тўлган пайтда пул йўқотади. Қайд этилишича, "Барселона" мавсумолди ўйинларини ўтган мавсумдаги формада ўтказишга мажбур бўлиши мумкин.