Миср Исроилга қарши чора кўради

Қоҳира Исроилнинг Ғазо секторидаги гуманитар сулҳ тўғрисидаги талабини рад этгани учун, у билан ҳамкорликнинг бир қатор соҳаларини музлатиб қўйиш билан жавоб беради, деб хабар бермоқда Ал-Арабия телеканали.

Олдинроқ "Ал-Арабия" манбаларига асосланиб, Исроил Мисрнинг гуманитар сулҳ тўғрисидаги талабини рад этгани, шунингдек Миср делегацияси ҳарбий операция бошланишидан қўрқиб, Тел-Авивни тарк этгани ҳақида хабар берган эди.

"Қоҳира Исроилнинг Ғазо секторида гуманитар сулҳ тузиш тўғрисидаги талабини рад этганига, у билан ҳамкорликнинг бир қатор соҳаларини музлатиб қўяди", деб айтган телеканал.

Манбаларга кўра, Мисрдан делегация Ғазо секторига, сўнгра Тел-Авивга ўт очишни тўхтатиш тўғрисида расмийлар билан маслаҳатлашиш учун борган.

Телеканал манбасининг хабар беришича, Тел-Авивга ташриф буюрган Миср делегацияси Исроилга бир йил муддатга гуманитар сулҳ ўрнатишни таклиф қилган, мисрлик дипломатлар эса ушбу жараённи мувофиқлаштиришга ваъда беришган. Мисрликлар, шунингдек, Исроил ушбу режага рози бўлса, Фаластин томонларини сулҳга риоя қилишга мажбур қилишлари мумкинлигини айтди. Миср томони, шунингдек, исроилликларни кўчирма қилиш фаолиятини тўхтатишга ва Ал-Ақсо масжидига бостириб кирган радикалларни қўллаб-қувватламасликка чақирган.