Маск Тесла қачон одамсимон роботларни ишлаб чиқаришни бошлашини айтди
Америкалик тадбиркор Илон Маск унинг Тесла компанияси 2025 йилда ички фойдаланиш учун одамсимон роботлар ишлаб чиқаришни йўлга қўйишини айтди. Бу ҳақда у ўзининг Х ижтимоий тармоғида маълум қилди.
«Келгуси йилда Тесла чиндан ҳам фойдали инсонсимон роботларга эга бўлади, бироқ Тесланинг ички фойдаланиши учун уларнинг сони кам бўлади. 2026 йилда биз бошқа компаниялар учун [роботларни] оммавий ишлаб чиқаришни йўлга қўйишга умид қиламиз», — деди миллиардер.
Бунгача акциядорларнинг йиллик йиғилишида Маск компания заводлари тез орада бир неча минг Оптимус билан жиҳозланишини маълум қилган эди . Унинг сўзларига кўра, келгуси йилда Тесла корхоналарида мингдан ортиқ, эҳтимол бир неча мингдан ортиқ роботлар ишлайди.
Компания Оптимусни тежамкор ишлаб чиқаришга интилади , бунда битта роботнинг нархи тахминан 10 минг долларни ташкил қилади. Харажатларни камайтириш учун компания оммавий ишлаб чиқаришни бошлашни режалаштирмоқда. Дастлаб роботлар фақат лизинг учун тақдим этилади.
