Макрон: Европада Киевга ёрдам кўрсатишга қарши бўлган томонларнинг позициялари мустаҳкамланмоқда

Франция президентининг қайд этишича, Европарламент сайловлари натижаларига кўра ўта ўнг партиялар «қитъанинг ҳамма жойида» ўз позицияларини мустаҳкамламоқда.

Европарламентга сайловларнинг дастлабки натижалари Киевга ёрдам беришга қарши бўлган партиялар Европада сиёсий кучга эга бўлаётганини кўрсатмоқда. Франция президенти Эммануэл Макрон шундай фикрда

«Сайловларнинг асосий натижаси аниқ, бу Европа интеграциясини ҳимоя қилувчи партиялар, жумладан, Франциядаги президентлик лагери учун энг яхши натижа эмас», деди Макрон телевидение орқали аҳолига мурожаатида.

Унинг сўзларига кўра, «қитъанинг ҳамма жойида ўта ўнг партиялар ўз позицияларини мустаҳкамладилар, улар сўнгги йилларда Европа томонидан таъминланган тараққиётга, хоҳ у иқтисодиётни тиклаш, хоҳ Европа чегараларини биргаликда ҳимоя қилиш, хоҳ фермерларни қўллаб-қувватлаш, хоҳ Украинага ёрдам бериш бўлсин, қаршилик кўрсатмоқда. »

Макрон, шунингдек, 2027 йилги президентлик сайловларида иштирок этишни режалаштирмаслигини ҳам қўшимча қилди, деб ёзади «ТАСС» .

Аввалроқ Францияда Европарламентга бўлиб ўтган сайловларда ўнг қанот «Миллий ралли» партияси 32 фоиздан ортиқ овоз тўплаб, ғалаба қозонгани хабар қилинганди. Эммануэл Макрон Миллий ассамблеянинг тарқатилиши ва муддатидан олдин парламент сайловлари ўтказилишини эълон қилди. Биринчи босқич 30 июнь куни, иккинчи тур 7 июль куни бўлиб ўтади..