Коронавирус ҳид ва таъм билишни йўқотадими?
Биз ҳаммамиз коронавируснинг энг кенг тарқалган белгилари - доимий, қуруқ йўтал ва иситма ҳақида билиб олдик. Агар сизда ушбу аломатлар бўлса, сиз камида етти кун давомида уйда қолиб, ўзингизни изоляция қилишингиз керак.
Аммо вақт ўтиши билан биз вирус ва унинг ўзини қандай тутиши ҳақида кўпроқ маълумотга эга бўлдик; ва аниқки, аксарият инфекциялар сингари, ҳар хил одамларда турли хил аломатлар намоён бўлади.
Энди кам сонли беморларда учраса-да нафас қисилиши, бош оғриғи ва томоқ оғриғи каби аломатлар ҳам бўлиши мумкинлиги маълум бўлди.
Энди одамлар таъм ва ҳиднинг йўқолиши ҳақида хабар беришни бошладилар. Афтидан баъзи одамларда ҳиднинг йўқолиши (аносмия) ёки таъм билишни йўқотиш (агезия) коронавируснинг бу одамлардаги ягона аломатлари бўлиши мумкин.
Хитой, Эрон, Италия, Германия ва Франция сингари мамлакатларда беморлар вақт ўтиши билан ҳид ёки таъм сезгиларидан маҳрум бўлганликлари ҳақида хабар беришган.
Британия Оториноларингология ассоциациясининг маълумотларига кўра, бу иккала аломат "бир қатор беморларда" "бошқа аломатлар йўқлигида" топилган.
Ўз баёнотида, Буюк Британия Ринологик Жамиятининг Президенти, профессор Клер Хопкинс ва профессор Нирмал Кумар: "Биз бу беморлар вируснинг тез тарқалишига ҳисса қўшганлар бўлиши мумкин деб ўйлаймиз. Афсуски, бу беморлар Буюк Британияда тест ўтказиш ёки ўз-ўзини изоляция қилишнинг ҳозирги талабларига жавоб бермайдилар", дейишди.
Ушбу хабар 22 март куни Виржиния штати, Александрия шаҳридаги Америка Отоларингология академиясининг бош ва бўйин жарроҳлиги (ААО-ҲНС) томонидан қўллаб-қувватланган.
Юқори нафас йўлларига (оғиз, бурун, томоқ ва синусларга) юқадиган кўплаб вируслар, шу жумладан умумий шамолллаш, сизнинг ҳид билишингизни камайтириши мумкин.
Бунинг сабаби шундаки, бурун йўлларида ортиқча шилимшиқ тўпланиб, улар бурун ичига ҳаво оқимининг киришини камайтириб, ҳид билишни қийинлаштиради.
Бироқ, коронавирус кўпчилик беморларда ортиқча шиллиқ ҳосил бўлмаслиги билан ажралиб туради. Аммо вирус юқтирилган одамларда шиллиқ бурун йўлларининг орқа қисмида кўп миқдорда учрайди.
Ушбу ҳужайралар шунингдек, ҳидларни аниқлашга ёрдам берадиган жуда кичик тукларга эга. Бошқа турдаги коронавирусларни ўрганишимиздан маълумки, коронавирус билан касалланган ҳужайралар ушбу тукларни йўқотиши мумкин.
Кўпгина вирусли аносмияларда бўлгани каби, бу таъсир вақтинчалик ва кўпчилик одамлар тўрт ҳафта ичида яна ҳидни ҳис қилишади.
Ҳидини йўқотган COVID-19 билан касалланган одамларнинг аниқ сони номаълум бўлса-да, бизнинг коронавируснинг бошқа турлари ҳақида билганимиз шуни кўрсатадики, вирусли аносмиянинг ҳар қандай туридан азият чекадиганларнинг 1 фоизи ҳид билишни йўқотади.
Вирус тилдаги таъм куртакларига таъсир қилмаса ҳам, ҳид ҳисси таъмга психологик жиҳатдан боғлиқ бўлганлиги сабабли, одамлар ўзларининг таъм қобилиятини йўқотган каби ҳис этадилар.
Агар сиз ҳид ёки таъм йўқолишидан азият чексангиз ва акс ҳолда яхши бўлса, етти кун ўзингизни алоҳидалашингиз керак. Шунингдек,оила аъзолари ҳам 14 кун ўз-ўзини изоляция қилиши шарт.
