Кашта тикилган кўйлакдаги аҳмоқлар: Медведев Лондон ва Парижга зарба бериш билан таҳдид қилди
Россия Хавфсизлик кенгаши раиси ўринбосари Дмитрий Медведев ўзининг Телеграм-каналида Украина ҳарбийлари Россия ҳудудига Франция ёки Британия ракеталари билан ҳужум қилса, Лондон ва Парижга зарба бериш билан таҳдид қилди.
«Storm Shadow/SCALP-EG кашта тикилган кўйлакдаги аҳмоқлар томонидан эмас, балки инглизлар ва французлар томонидан бошқарилади. Муайян шароитларда бунинг жавоби нафақат Киевга етиб боради», деб ёзади Медведев.
Шу билан бирга, Россия Федерациясининг собиқ президенти яқинда эълон қилинган ядровий машғулотлар давомида Россия армияси «бундай ҳужумларга жавоб бериш» машқ қилаётганини таъкидлади.
Аввалроқ Британия ташқи ишлар вазири Дэвид Кэмерон Киевга ташриф буюриб, украиналик ҳарбийлар уларга берилган қуроллардан ўз хоҳишига кўра фойдаланиши мумкинлигини таъкидлаган эди.
