Испания тарихидаги энг кучли ярим ҳимоячилар рейтинги тузилди: Иньеста иккинчи, Гвардиола тўққизинчи ўринда

Нуфузли "FourFourTwo" портали саҳифаларида тарихдаги энг яхши испан ярим ҳимоячилари рейтинги эълон қилинди. Ушбу рейтингда биринчи ўринни «Барселона»нинг собиқ футболчиси Хави эгаллади. Андрес Иньеста иккинчи поғонада, кучли учликни эса «кўк-анорранглилар»нинг яна бир собиқ футболчиси Серхио Бускетс ёпди.

Кучли 10'таликдан Сеск Фабрегас, Хаби Алонсо, Давид Силва, Луис Суарес (испаниялик), Луис Энрике, Пеп Гвардиола ва Санти Касорла жой олган.

Эслатиб ўтамиз, Испания терма жамоаси Европа чемпионати 1/8 финалини 30 июнь, якшанба куни Грузияга қарши ўтказади. Ушбу ўйин Тошкент вақти билан 00:00да бошланади.