Германия канцлери Афғонистондан жиноятчиларни депортация қилишни қўллаб-қувватлади
Пайшанба куни Германия канцлери Олаф Шольц парламентнинг қуйи палатаси – Бундестагда миллий хавфсизлик масалалари юзасидан баёнот берди.
О.Шольц ўтган ҳафтада 25 ёшли Афғонистон фуқароси томонидан тўрт жойидан пичоқланган 29 ёшли полициячининг ўлими ҳақида ўз фикрини билдирди. Ҳукумат раҳбарининг айтишича, фожиа "бутун немис халқининг қалбидан жой олган".
“Радикал ислом ва терроризм эркинлигимиздан маҳрум қилади. Усиз бизда демократия бўлмайди”, - деди ҳукумат раҳбари.
Ҳалок бўлган офицернинг оила аъзолари, дўстлари ва биринчи навбатда ҳамкасблари билан суҳбатда О. Шольц: “Биз сизларни қўллаб-қувватлаймиз. Биз полициямизни қўллаб-қувватлаймиз”, деди .
Унга кўра, Германияда бундай зўравонликка қарши қонунлар кучайтирилиши ва полициячиларни ўлдирганлар тўлиқ жазоланиши керак.
Депутатларга тақдим этилган ҳисоботда немис жамиятида антидемократик унсурлар, жумладан, чап ва ўнг қанот сиёсатчиларга ҳужумлар кучайгани ҳам қайд этилган.
О.Шольц жиноят содир этган шахсларни мамлакатдан чиқариб юбориш кераклигини айтди. Унинг сўзларига кўра, Германиянинг Афғонистон ва Сурия каби давлатларга депортациясини қайта бошлаш масаласи фаол муҳокама қилинмоқда.
