G7 мамлакатлари ташқи ишлар вазирлари Толибоннинг янги тақиқига муносабат билдирди

Канада, Франция, Германия, Италия, Япония, Буюк Британия, АҚШ ва Европа Иттифоқи вакиллари аёллар ҳуқуқларига қўйилган ҳар қандай чекловларни, жумладан, яқинда жорий этилган уйдан ташқарида юзини ёпиш мажбуриятини қоралади. Бу мамлакатлар афғон аёлларининг жамият ҳаётида эркаклар билан тўлиқ ва тенг равишда иштирок этиш имконияти шу тарзда бостирилади, деб ҳисоблайди.

G7 давлатлари ташқи ишлар вазирлари Толибонни афғонлар ва жаҳон ҳамжамиятига берган ваъдаларига зудлик билан қайтишга ва ҳар қандай чекловларни бекор қилишга чақирди, шунингдек бундай қадамлар дунёда Толибоннинг яккаланишини кучайтиришини эслатди.