Францияда расмийларга ҳужум қилишга чақирган неонацист қўлга олинди
Франция ҳуқуқ-тартибот идоралари ходимлари расмийларга ҳужум қилишга чақириш ва Олимпия машъаласи эстафетаси иштирокчиларига ҳужум тайёрлашда гумон қилинган ёш неонацистни қўлга олди. Бу ҳақда маҳаллий BFMTV телеканали хабар берди .
Журналистларга кўра, Колмар коммунасида яшовчи 20 ёшли йигит ҳибсга олинган. Унга нисбатан қўзғатилган иш аллақачон терроризмга қарши кураш бўлимига ўтказилган, дейилади материалда.
«Йигит машъалачиларни [Олимпиада машъаласи эстафетаси пайтида] ўлдириш билан таҳдид қилган ва ўзининг Телеграм-каналида амалдорларга ҳужум қилишга чақириқларини эълон қилган», — дейилади материалда.
Шу билан бирга, терговчилар қўлга олинган шахс интернетда Панзер тахаллуси билан танилганлигини аниқлади. Бу тахаллус Иккинчи жаҳон уруши пайтида ишлатилган немис танкларига ишорадир.
Шунингдек, фуқаронинг уйида тинтув ўтказган полиция ходимлари неонацистлар мафкурасига оид турли буюмлар ва адабиётларни топдилар. Телеканалнинг исмини ошкор этмаган манбаси бу йигит неонацистлар Парисиен ҳаракатининг аъзоси эканлигини таъкидлади.
