Францияда Донбассда туғилган шахс террорчилик актини тайёрлашда гумонланиб ҳибсга олинди
Францияда Донбассда туғилган шахс террорчилик актини тайёрлашда гумонланиб ҳибсга олинди. Бу ҳақда «Коммерсант» газетаси хабар бермоқда .
Франция ҳуқуқ-тартибот идораларининг маълумотларига кўра, 3 июнь оқшомида Россия ва Украина фуқаролигига эга бўлган 26 ёшли эркак портлаш оқибатида куйиш жароҳатлари олган. Париж чеккасида, Шарл де Голл халқаро аэропорти яқинида жойлашган Руасси-ан-Франcэ шаҳридаги меҳмонхона хонасида портлаш содир бўлди. Жароҳатланган эркак ўт ўчирувчилар томонидан касалхонага олиб кетилган, у ерда тез орада контрразведка ходимлари томонидан қўлга олинган.
Донбасслик фуқаронинг меҳмонхона хонасидан аммиакли селитра, пул, сохта паспорт ва ўқотар қуроллар топилган. Франция разведка хизматлари гумонланувчи Украинага етказиб берилиши керак бўлган ҳарбий техникани йўқ қилиш учун портловчи мосламалар ясамоқчи бўлган деб ҳисобламоқда.
Ўз навбатида, Донбассда Россия томонида жанг қилган, сўнгра Украина паспорти билан Францияга жўнаб кетган қўлга олинган шахс таъмирланаётганда қўлида мобил телефони аккумулятори портлаб кетганини айтди.
Бундан олдин Россия Ташқи ишлар вазирлиги расмий вакили Мария Захарова , агар франтсуз расмийлари россиялик дипломатларга «тегган» бўлса, Москва жавоб чораларини кўришини айтган эди .
