Фарғонада олиб қочилган Matiz пачоқланган ҳолда топилди
![Фарғонада олиб қочилган Matiz пачоқланган ҳолда топилди Фарғонада олиб қочилган Matiz пачоқланган ҳолда топилди](/photos/news/toGiDQGsg1QW8xI.jpeg)
Фарғона вилояти Қўқон шаҳрида олиб қочилган Matiz пачоқланган ҳолда топилди, деб хабар беради вилоят ИИБ ахборот хизмати.
Қайд этилишича, 23 февраль куни Бувайда туманида яшовчи фуқарога тегишли Matiz русумли автомашина Қўқон шаҳар Турон кўчасида жойлашган кафе олдидан олиб қочилган. Олиб борилган терговга қадар текширув ҳаракатлари давомида, мазкур жиноятни Ўзбекистон туманида яшовчи 19 ёшли Л.Т. содир этгани аниқланган ва гумонланувчи ушланган.
Мазкур ҳолат юзасидан Жиноят кодексининг 267-моддаси (транспорт воситасини олиб қочиш) 1-қисми билан жиноят иши қўзғатилди.
“Юқоридаги шахсдан жабрланган фуқаролар бўлса, ИИОга мурожаат қилишларини сўраймиз”, — дейилади хабарда.
Матнда хатолик топсангиз, ўша хатони белгилаб, бизга жўнатинг (Ctrl + Enter).