Раисийнинг вертолёт ҳалокатининг айрим тафсилотларини кўриб чиқиш учун “кўпроқ вақт” керак бўлади
![Раисийнинг вертолёт ҳалокатининг айрим тафсилотларини кўриб чиқиш учун “кўпроқ вақт” керак бўлади Раисийнинг вертолёт ҳалокатининг айрим тафсилотларини кўриб чиқиш учун “кўпроқ вақт” керак бўлади](/photos/news/0GIxoRr00YpFrcU.jpeg)
Эрон Қуролли кучлари Бош штаби Раисийнинг вертолёти ҳалокати бўйича дастлабки ҳисоботни эълон қилди.
"Ҳисоботда қайд этилишича, содир бўлган воқеанинг айрим тафсилотларини кўриб чиқиш учун “кўпроқ вақт” керак бўлади", дея хабар беради IRNA агентлиги.
Дастлабки тергов натижаларига кўра, вертолёт белгиланган маршрут бўйлаб ҳаракатланган ва парвоз йўналишини ўзгартирмаган. Ҳалокатдан тахминан бир ярим дақиқа олдин ҳалокатга учраган вертолётнинг учувчиси парвоз гуруҳидаги бошқа иккита вертолёт билан боғланган.
"Ҳалокатга учраган вертолёт қолдиқларида ўқ излари ёки шунга ўхшаш ҳужум белгилари топилмади. Вертолёт тоғ билан тўқнашиб кетганидан кейингина ёниб кетган. Тергов шуни кўрсатдики, диспетчерлар ва экипаж ўртасидаги суҳбатларда шубҳали ҳеч нарса сезилмаган", дейилади Бош штаб ҳисоботида.
Эслатиб ўтамиз, бортида 8 киши, шу жумладан, Эрон президенти Иброҳим Раисий ва Ташқи ишлар вазири Ҳусайн Амир Абдуллоҳиян бўлган вертолёт 19 май куни кечқурун Эрон делегацияси Озарбойжондан қайтаётганида ҳалокатга учраган ва натижада уни бортида бўлган барча ҳалок бўлган эди.