Danone ўзининг Россиядаги бизнесини сотишини эълон қилди
Франциянинг Danone компанияси ўзининг рус бизнесини Вамин Рга сотиш бўйича битим тугаганини эълон қилди. Битим тафсилотлари келтирилмаган.
РБК таъкидлаганидек, Вамин Р нинг 99 фоизи сут ишлаб чиқарувчи Вамин Тататаристонга, 1 фоизи эса Чеченистон қишлоқ хўжалиги вазирининг собиқ ўринбосари Руслан Алисултановга тегишли.
Март ойида Danone Россия регуляторларидан келишув учун рухсат олганини айтди. Financial Times газетасининг ёзишича, Вамин Татаристон Danoneнинг Россия бўлинмасини назорат қилиш учун 17,7 миллиард рубль тўлашга тайёр.
Danone сут маҳсулотлари ва бошқа озиқ-овқат маҳсулотларини ишлаб чиқарувчи йирик компаниялардан бири бўлиб, 140 дан ортиқ мамлакатларда фаолият юритади. Danone Россияга 1992 йилда келган. Компаниянинг Россиядаги активлари Danone Руссиа ОАЖ сифатида рўйхатга олинган.
