Брюсселда НАТОнинг 75 йиллиги нишонланади

2024 йилда НАТО Коллектив мудофаа Альянси ташкил этилганининг 75 йиллигини нишонлайди.

1949 йил 4 апрелдан бошлаб Трансатлантика Альянси 12 та асосчи аъзодан ўз фуқаролари хавфсизлигини таъминлаш учун биргаликда ишловчи 32 та аъзо давлатга қадар кенгайди, дея қайд этади блок матбуот хизмати.

НАТО ўзининг юбилейини 4 апрель куни НАТОнинг Брюсселдаги қароргоҳида ва Таъсис шартномаси имзоланган Вашингтонда 9-11 июль кунлари бўлиб ўтадиган саммитида нишонлайди.

Бугун НАТОга аъзо давлатлар ташқи ишлар вазирлари, жумладан, АҚШ Давлат котиби Э.Блинкен Европа пойтахтида йиғилади.