"Биз бу урушни тугатамиз!"
Биз бу урушни тугатамиз, уни Украина ва бутун Европа манфаатлари учун, барчамиз ва биздан кейин келадиганлар учун тугатамиз — Владимир Зеленский
Украина президенти бу ҳақда Германия Бундестагида сўзлаган нутқида айтиб ўтди.
"Уруш учун жавобгарлар жазога тортилиши керак, бу урушнинг ҳар бир куни учун адолатли жавоб бериши керак. Фақатгина адолатли жавобгарлик билан тажовуздан қутулиш учун тарихий имконият ортади. Россия бошланган уруш учун асосий жавобгарликни тўлиқ ўз зиммасига олиши керак", — дея таъкидлади Зеленский.
“Германия учун муқобил” партияси ва “Сара Вагенкнехт иттифоқи” депутатлари Украина етакчисининг нутқини бойкот қилишди.
"Зеленскийни нутқини бойкот қилиш билан биз зудлик билан ўт очишни тўхтатиш ва муаммони музокаралар йўли билан ҳал қилишни истайдиган барча украиналиклар билан бирдамлигимизни билдирамиз", — дейилади “Сара Вагенкнехт иттифоқи томонидан эълон қилинган баёнотда.
