Бензема бундай натижага эришган дунёдаги илк футболчига айланди

Саудия Арабистонининг "Ал-Иттиҳод" жамоаси клублар ўртасида жаҳон чемпионатининг илк саралаш босқичида Янги Зеландиянинг «Окленд Сити»си билан тўқнаш келиб, йирик ҳисобда ғалаба қозонди. Саудияликларнинг голларидан бири Карим Бензема ҳисобига ёзилди.

Франциялик футболчи клублар ўртасида ЖЧнинг 4 та турнирида гол урган илк ўйинчига айланди. 35 ёшли форвард ушбу мусобақада 6-марта қатнашмоқда. У "Реал" сафида 5 марта (2014, 2016, 2017, 2018 ва 2022 йиллар) турнир ғолибига айланган.