Украина асосий афзалликларини сақлаб қолади

АҚШ давлат департаменти Россия Харков вилоятида қандайдир муваффақиятга эришиши мумкинлигини тан олди, лекин катта ютуқларни кутмайди, деди Давлат департаменти матбуот котиби Ведант Пател.

У Россиянинг мамлакат шарқидаги янги ҳужум операциялари қаршисида Украина ҳарбийларининг жанговар самарадорлигига ишонч билдирди.

«Биз Россия Харков вилоятида олдинга силжишга ҳаракат қилишини кутамиз ва яқин ҳафталарда у янги муваффақиятларга эришиши мумкин. Аммо биз катта ютуқларни кутмаяпмиз ва вақт ўтиши билан Америка ёрдамининг қўшимча оқими ва ҳамкорларнинг доимий қўллаб-қувватлаши Украинага бундай тажовузга қарши туришда давом этиш имконини беради», — деди Пател.