Байден даврида АҚШнинг Украинага ёрдами 51,3 миллиард долларга етди

Америка президенти Жо Байденнинг бутун фаолияти давомида АҚШдан Украинага кўрсатилган ёрдамнинг умумий ҳажми 51,3 миллиард доллардан ошди.

Бундай рақамлар АҚШ Мудофаа вазирлиги ҳисоботида келтирилган.

Пентагон маълумотларига кўра, бу маблағнинг 50,6 миллиард долларини республика раҳбарияти Украинада уруш бошланганидан кейин олган.

Департамент маълумотларига кўра, Қўшма Штатлар Украинага битта Patriot ҳаво мудофаа тизими, NASAMS синфидаги 12 та ракета мажмуаси, HAWK ҳаво мудофаа тизимлари, 2 мингдан ортиқ "Стингер" зенит ракеталари, "Вампир" учувчисиз учиш аппаратлари, Avenger ҳаво мудофаа тизимлари ва бошқаларни топширган.