"Барселона" ҳимоячиси "Ан-Наср"га ўтиши мумкин

Дания терма жамоаси ва “Барселона” ҳимоячиси Андреас Кристенсен Саудия Арабистони чемпионатига ўтиши мумкин. Бу ҳақда Todofichajes портали хабар бермоқда.

Манбага кўра, 28 ёшли футболчини ўз сафига "Ан-Наср" клуби қўшиб олмоқчи. Даниялик футболчининг трансфер нархи 40 миллион еврога баҳоланган ва унинг "кўк-анорранглилар" билан амалдаги шартномаси 2026 йилнинг июнь ойи охирида якунига етади.

Ўтган мавсумда Испания чемпионатида Кристенсен 30 та ўйин ўтказиб, иккита гол ва иккита голли узатмага муаллифлик қилган.