Анналена Бербок Шольцнинг кўп сонли афғонларнинг ўз ватанларига депортация қилиниши ҳақидаги сўзларини рад этди

Германия ташқи ишлар вазири Анналена Бербок Шольцнинг кўп сонли афғонларнинг ўз ватанларига депортация қилиниши ҳақидаги сўзларини рад этди.

Ўтган чоршанба, 24 июль, канцлер Олаф Шольц матбуот анжумани чоғида яқин келажакда кўп сонли афғонлар мамлакатдан чиқариб юборилишига ваъда берган эди.

Бир неча кундан кейин ташқи ишлар вазири Анналена Бербок унинг сўзларини рад этди.

«Менимча, айниқса, бундай ноаниқ пайтларда, агар сиз бирор нарса ваъда қилсангиз ва эртаси куни қандай қилиб этказиб беришни билмасангиз, бу хавфсизлик стандартларига мос келмайди», деди у Die Zeit томонидан ташкил этилган тадбирда.

Аввалроқ Бербок Маннхаймда полициячининг афғон томонидан ўлдирилганига изоҳ берар экан, «зўравонлик қилган бундай жиноятчилар ҳимояланиш ҳуқуқидан маҳрум бўлганини» айтган эди. Бироқ уларни Афғонистон ёки Сурияга тезда депортация қилиш билан муаммо ҳал бўлмаслигини қўшимча қилди.

Бербок, шунингдек, «исломий террорчи режимга жиноятчиларни қайтариш шартларини белгилашга рухсат беришдан» огоҳлантирди.