Anadolu: Истанбулда таъмирлаш ишлари учун ёпилган тунги клуб ёнғин юз берди
Истанбулда таъмирлаш ишлари учун ёпилган тунги клуб ёнғин юз берди. 29 киши ҳалок бўлди, бир киши жароҳат олди.
Ёнғин 2 апрел куни тушдан кейин Бешиктош ҳудудидаги 16 қаватли турар-жой биноси ертўласида жойлашган клубда таъмирлаш ишлари олиб борилаётган вақтда содир бўлган. Ёнғинни ўчиришга 31 та ўт ўчириш машинаси ва 86 нафар қутқарувчи жалб этилган.
Ёнғин нима сабабдан содир бўлгани ҳозирча аниқ эмас. Маҳаллий ҳокимиятнинг дастлабки маълумотларига кўра, ҳалок бўлганлар клубда ишлаган қурилишчилар бўлган.
Туркия Ички ишлар вазирлиги ёнғин юзасидан суриштирув ишлари олиб борилаётганини маълум қилди. Олти киши ҳибсга олинган, улар орасида муассаса раҳбари ҳам бор. Воқеа жойига Истанбул ҳокими Экрем Имомўғли, шунингдек, вилоят губернатори Довут Гул етиб келган.
