4 қурбон ва умрбод қамалган қотил – Қўрғонтепадаги мудҳиш жиноят тафсилоти
2023 йил 27 июл куни Андижон вилояти Қўрғонтепа туманида содир бўлган бу даҳшатли воқеани эшитган борки, ларзага тушди. Айниқса, туманнинг Озод маҳалласида яшовчилар қўрқув, ҳайрат ва афсус аралаш бош чайқашарди. Негаки, ўша куни маҳалладаги бир оиланинг 6 аъзоси хонага қамаб, тириклайин ёқиб юборилганди. Уларнинг 4 нафари ҳалок бўлган. Қотил эса бегона эмас.
Суднинг 2024 йил 24 январ кунги ҳукми билан Йўлчибой Манасов Жиноят кодексининг 97-моддаси 2-қисми “а, в, ж” бандлари ва 25,97-моддаси 2-қисми “а, б, в, ж” бандларида келтирилган жиноятни содир қилганликда айбли деб топилган. Унга умрбод озодликдан маҳрум қилиш жазоси тайинланган. Жазони махсус тартибли колонияларда, дастлабки 3 йилини эса турмага қамаш тариқасида ўтаттириш белгиланган.
