2024 йилда Украинанинг НАТОга таклиф қилиниши кутилмаяпти

"НАТОнинг жорий йил июл ойида Вашингтонда бўлиб ўтадиган саммитида Украинанинг ташкилотга аъзо сифатида қабул қилиниши кутилмаяпти", — дея маълум қилди Қўшма Штатларнинг алянсдаги элчиси Жулианна Смит журналистлар билан конференция вақтида.

"Алянснинг ўтган йили Вилнюсда бўлиб ўтган саммитидан бери иттифоқчилар Киевга Европа Иттифоқи ва НАТОга интеграциясида олға силжиш ишларида, шунингдек, ўз мамлакатларида зарур ишлаб чиқаришни амалга оширишда жуда кўп ёрдам беришди. Биз эса, биринчи навбатда, уларни ҳозирги курашларида қўллаб-қувватлаш ва жанг майдонида ғалабасини таъминлашга эътибор қаратишда давом этамиз", — дея қўшимча қилди Смит.