Yunusobodda fojia: haydovchi voqea joyida halok bo‘ldi

Yunusobod tumanida 16 yanvar kuni soat 23.43da "102" tizimidan tushgan xabarga ko‘ra, shu kuni soat 23.00larda TXAY ko‘chasida, xaydovchi - 1975 y.t, A.A. o‘ziga tegishli bo‘lgan “Kobalt” rusumli avtomobilini boshqarib ketayotib, rul boshqaruvini yo‘qotib beton to‘siqqa urilgan.

Natijada haydovchi A.A. olgan tan jarohatlari natijasida voqea joyida vafot etgan, ushbu avtomobilda yo‘lovchi sifatida ketayotgan – 1976 y.t., A.U. “chap oyoq boldir bo‘g‘imi sinishi” tashxisi bilan 7-SHKShga yotqizilgan.

Mazkur holat bo‘yicha O‘zbekiston Respublikasi Jinoyat kodeksining 266 moddasi 2 qismi bo‘yicha jinoyat ishi qo‘zg‘atildi.