Samarqand-Moskva samolyoti texnik sabablarga ko‘ra aeroportga qaytdi

“Rossiya” aviakompaniyasining Sukhoi Superjet 100 samolyoti 10 iyul, yakshanba kuni ertalab Samarqanddan Moskvaga uchgan, biroq texnik sabablarga ko‘ra aeroportga qaytgan. Bu haqda RIA Novosti xabar bermoqda.

“Rossiya” aviakompaniyasining FV-6552 reysi bugun jadval bo‘yicha soat 07:17 da Samarqand xalqaro aeroportidan Moskvaga uchdi. Texnik sabablarga ko‘ra ekipaj aeroportga qaytish to‘g‘risida qaror qabul qildi va soat 9:00 da kelib qo‘ndi”, - deya ma’lum qilgan Samarqand aeroporti xodimi.

Aniqlik kiritilishicha, hozir Sukhoi Superjet 100 layneri aeroportning zaxira yo‘lagida turibdi, uning bortida bo‘lganlar jabrlanmagan.