Rossiyada neft ombori hujumga uchradi
Ukraina dronlari 28 iyulga o‘tar kechasi Kursk viloyatidagi neft omboriga hujum qildi, deb yozdi gubernator vazifasini bajaruvchi Aleksey Smirnov.
Mahalliy aholi va korxona xodimlari jabrlanmagan, biroq uchta yoqilg‘i baki yonib ketgan. Ulardan biridagi yong‘in o‘chirilgan.
Smirnovning so‘zlariga ko‘ra, neft bazasi viloyatning markaziy qismida joylashgan Kursk tumanida joylashgan.
Kechasi mintaqada dron hujumlari xavfi e’lon qilindi. Mahalliy 46tv.ru nashri Medvenskiy tumanidagi yong‘in haqida xabar berdi. Keyinroq Rossiya Mudofaa vazirligi 28 iyulga o‘tar kechasi Kursk viloyatida ikkita dron urib tushirilgani haqida xabar berdi. Yana beshta UAV Belgorod viloyati uzra yo‘q qilingan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
