Pavel Durovning hibsga olinishi Yevropa Ittifoqining raqamli xizmatlar to‘g‘risidagi qonuni tamoyillariga mos keladi

Bu haqda “TASS” agentligi Bryussel yuridik doiralaridagi manbalariga tayanib xabar bermoqda.

EIning “Raqamli xizmatlar to‘g‘risidagi” qonunida qayd etilishicha, ijtimoiy tarmoq yoki internet-platforma operatori unda joylashtirilgan har qanday kontent uchun javobgar hisoblanadi.

"Shu bilan birga, “Raqamli xizmatlar to‘g‘risidagi” qonun shaxsiy yoki jinoiy javobgarlikni nazarda tutmaydi, bu borada Fransiya prokuraturasi ancha o‘zgacha yo‘l tutdi. Yevropa Ittifoqining mazkur qonunida operatorning faqat yuridik shaxs sifatida javobgarligi va jazolar sof iqtisodiy xususiyatga egaligi nazarda tutilgan", — deya tushuntirish berdi agentlik suhbatdoshi.