Netanyaxu: Rafahda Isroil armiyasi tomonidan birorta ham begunoh falastinlik o‘ldirilmadi

24 iyul kuni Isroil bosh vaziri Benyamin Netanyaxu AQSh Kongressida nutq so‘zladi. Uning nutqini kongressmenlar, milliarderlar, jumladan Tesla rahbari Ilon Mask, siyosatchilar olqishlab tingladi. Shu bilan birga, 100 nafardan ziyod demokrat kongressmenlar uning nutqiga boykot e’lon qildi.

Isroil Bosh vazirining nutqi davomidagi asosiy bayonotlari:

Prezident Baydenga Isroil davlatini kuchli qo‘llab-quvvatlagani uchun minnatdorchilik bildiraman;

Biz Baydenning Isroil davlati manfaati uchun qilgan sa’y-harakatlarini hech qachon unutmaymiz;

Rafahda Isroil armiyasi tomonidan birorta ham begunoh falastinlik o‘ldirilmadi;

Aslida barcha terrorizm, barcha tartibsizliklar, barcha xaoslar, barcha qotilliklar ortida Eron turibdi;

Eronning terrorchi ishonchli vakillari Yaqin Sharq va undan tashqarida amerikaliklarni nishonga olishmoqda;

Eron shafqatsizlarcha prezident Trampni o‘ldirish bilan tahdid qildi;

Biz nafaqat Isroilni, balki AQShni ham himoya qilyapmiz. Bizning dushmanlarimiz sizning dushmanlaringizdir. Bizning jangimiz sizning jangingiz. Bizning g‘alabamiz sizning g‘alabangizdir.

Isroil Qo‘shma Shtatlarga Yaqin Sharqda NATOga o‘xshash yangi ittifoq tuzishni taklif qilmoqda, u "Eron tahdidiga" qarshi qaratilgan.

Sivilizasiya kuchlari g‘alaba qozonishi uchun Amerika va Isroil birga turishi kerak.

AQSh kongressmenlari Isroil bosh vaziri Binyamin Netanyaxuni olqishlar bilan qarshi olgan bir vaqtda Isroil armiyasi G‘azoga hujumlarini davom ettirdi.

Bu hujumlar natijasida G‘azoning janubiy va markaziy hududlarida eng kamida 5 kishi qurbon bo‘ldi

7 oktyabrdan beri Isroilning G‘azodagi tajovuzi qurbonlari soni 39 145 kishiga yetdi.