Moskvada dahshatli terakt sodir bo‘lmoqda. Qurbonlar ko‘p (VIDEO)

Ayni damda Moskvadagi “Krokus Siti xoll”da terakt sodir etilmoqda. Rossiya gvardiyasi maxsus kuchlari askarlari voqea joyiga yetib kelishgan.

Xolldagi otishma natijasida 40 kishi halok bo‘ldi, 100 dan ortiq kishi jarohatlandi. Binoda yong‘in sodir bo‘lmoqda, yong‘in maydoni 3 ming kvadrat metrgacha bo‘lishi mumkin. Bir necha terrorist bino ichida o‘zlarini to‘sib qo‘ygan.

O‘t o‘chiruvchilarga savdo markazi yaqiniga hamon ruxsat berilmagan. Ichkarida hali ham jinoyatchilar bo‘lishi mumkinligi sababli ular yong‘inni o‘chirishni boshlay olmaydilar.

Terrorchilarning aniq soni hozircha noma’lum. Ba’zi guvohlar «beshta soqolli, pulemyotli odam» haqida xabar berishdi. Ulardan ba’zilarining ryukzaklari bor edi.

Rossiya qurolli kuchlari zarur choralarni ko‘rmoqda. 10 ta avtobus odamlarni evakuasiya qilish uchun jo‘natilgan.