Miriam Spiteri Debono Malta prezidenti lavozimiga kirishdi

Maltaning yangi saylangan prezidenti Miriam Spiteri Debono payshanba kuni parlamentning bir ovozdan qabul qilingan qaroridan so‘ng Maltaning 11-prezidenti sifatida qasamyod qildi, deya xabar beradi Sinhua.

U parlamentning navbatdan tashqari sessiyasi chog‘ida respublika prezidentining rasmiy qarorgohi bo‘lmish Vallettadagi Buyuk magistr saroyida qasamyod qildi.

71 yoshli M.Spiteri Debono mamlakat tarixida prezidentlik lavozimini egallagan uchinchi ayol bo‘ldi va bundan oldin u Vakillar palatasini boshqargan yagona ayol edi.

U so‘nggi besh yil davomida bu lavozimda ishlagan Jorj Vella o‘rnini egalladi.