Maskni ham Durovning taqdiri kutmoqda - AQSh prezidentligiga sobiq nomzod

X ijtimoiy tarmog‘i Telegram messenjeri va uning asoschisi Pavel Durov bilan sodir bo‘lgan voqeaga o‘xshash muammoga duch kelishi mumkin. Ijtimoiy tarmoqning bunday taqdirini Respublikachilar partiyasidan AQSh prezidentligiga sobiq nomzod Vivek Ramasvami bashorat qilgan, bu haqda u X platformasidagi sahifasida yozgan.

“Bugun Telegram. Ertaga X bilan shunday voqea bo‘ladi, - ta’kidladi Ramasvami.

Avvalroq, Ilon Mask Telegram bosh direktori Pavel Durovning 24 avgust kuni Fransiyadagi aeroportda hibsga olinishiga javob qaytargan edi. «POV: 2030 yil, Yevropada sizni memni yoqtirganingiz uchun qatl etishadi», deb yozgan amerikalik tadbirkor, o‘zining X sahifasida.