Koronavirusga qarshi vaksina ishlab chiqarishda qaysi davlatlar yetakchi?
Rossiya va Xitoy koronavirus infeksiyasiga qarshi vaksina ishlab chiqarishda yetakchilik qilmoqda. Bu haqda Boao shahrida bo‘lib o‘tgan Osiyo iqtisodiy forumi bosh kotibi Li Baodong aytib o‘tdi, deb xabar beradi REN TV.
Unga ko‘ra, Moskva va Pekin "global poygada birinchi bo‘lib xavfsiz va ishonchli vaksinalarni yaratdilar".
Avvalroq Rossiyaning Pekindagi elchisi Andrey Denisov Moskvaga jo‘nab ketganidan keyin Xitoyga qaytishini osonlashtirish uchun Xitoy vaksinasi bilan emlangani haqida xabar berilgandi. "Sinofarm - bu bizning Sputnik singari asosiy Xitoy vaksinasi", dedi u. Diplomat xavfsizlik sababli o‘z ixtiyori bilan emlanganligini tan oldi, chunki diplomatik va xizmat pasportlari egalari uchun Xitoyga kirish yopiq emas.
16 iyul kuni Osiyo-Tinch okeani iqtisodiy hamkorligi mamlakatlari rahbarlari COVID-19ga qarshi vaksinalar ishlab chiqarish uchun texnologiyalar almashinuvini yo‘lga qo‘yishga kelishib oldilar. «Biz COVID-19 ga qarshi keng miqyosli emlashning global ijtimoiy manfaat sifatida ahamiyatini tan olamiz. Va shu maqsadda biz vaksinalar ishlab chiqarish va yetkazib berishni kengaytirish bo‘yicha sa’y-harakatlarimizni ikki baravar ko‘paytiramiz», - deyiladi davlat rahbarlarining norasmiy onlayn uchrashuvidan so‘ng e’lon qilingan qo‘shma deklarasiyasida.
