Isroil — dunyodagi eng jirkanch va xunuk davlatlardan biri - Taker Karlson

Amerikalik jurnalist Isroilni tanqid qilib, u Livan poytaxtiga katta vayronagarchilik keltirayotganini aytdi.

«Isroilliklar Beyrutni vayron qilmoqda. Men dunyoning ko‘p joylarida bo‘lganman — Beyrut Yer yuzidagi eng go‘zal shaharlardan biri. U haqiqiy mo‘’jiza, juda go‘zal. Shu shaharni Isroil — dunyodagi eng jirkanch davlatlardan biri — vayron qilayotganini ko‘rish juda og‘ir. 1948 yildan beri u yerda biror go‘zal narsa qurilmagan», — dedi Karlson.

Karlsonning ta’kidlashicha, shakllanayotgan imperiya tabiatan vayronkor bo‘ladi:

«Har doim shunday bo‘ladi: go‘zallik vayron qilinadi — Yevropa, Beyrut, Suriyaning ayrim qismlari, muqaddas joylar. Eronning ham juda go‘zal joylari bor, deyishadi — ammo ular ham to‘liq bombardimon qilinmoqda. Go‘yo bu go‘zallikka qarshi urushga o‘xshaydi».