Intensiv uzumzor barpo etish uchun ajratilgan yer maydonining sotilishining oldi olindi

Bosh prokuratura huzuridagi Departament hamda DXXning Navoiy viloyati boshqarmalari tomonidan o‘tkazilgan tezkor tadbirda, Navbahor tumanidagi “M.Ch.” oilaviy korxonasi rahbari A.Q. (muqaddam firibgarlik jinoyati uchun sudlangan) korxonaga intensiv uzumzor barpo etish uchun ijara huquqi asosida ajratilgan 204,9 gektar yer maydonini fuqaro F.X.ga 280 mln so‘mga sotishga kelishib, shundan 180 mln so‘mni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.