Erdo‘g‘on: Suriya bilan munosabatlarni avvalgi darajaga qaytarishni istaymiz

«... Bashar Asad (Suriya Prezidenti) Turkiya bilan munosabatlarni yaxshilash yo‘lida qadam qo‘yishi bilan biz ham unga nisbatan shunday yo‘l tutamiz... Biz Suriya bilan dushman emas edik, Asad bilan bir oiladek bo‘lib uchrashdik. Biz Turkiya-Suriya munosabatlarini avvalgi darajaga keltirmoqchimiz», dedi Turkiya prezidenti Erdo‘g‘on jurnalistlarga.

Turkiyada Suriya tomoni bilan bo‘lib o‘tgan uchrashuvga kelsak, u shunday dedi: «Bu masalada Putinning o‘z pozisiyasi bor, Iroq Bosh vazirining o‘z pozisiyasi bor. Biz hamma joyda vositachilik haqida gapiramiz, lekin nega o‘z hududimizda, qo‘shnimiz bilan emas».