Rossiya Ukrainadagi Ilon oroliga gipertovushli raketa uchirdi

Rossiya Ukrainadagi Ilon oroliga yadroviy bombardimonchi samolyotlardan gipertovushli raketalarni uchirdi.

Xabar qilinishicha, Rossiya harbiy-havo kuchlari Qora dengizdagi Ilon orolidagi Ukraina harbiylari pozisiyalariga hujum qilgan.

Hujum o‘tgan hafta payshanba kuni (26 sentyabr) sodir bo‘lgan va Tu-22M3 bombardimonchi samolyotlari tomonidan amalga oshirilgan.

Bombardimonchilar havo hujumidan mudofaa tizimlari va radar stansiyalari deb hisoblangan bir qator nishonlarga X-22 «yashirin» kreyser raketalarini otgan.

Ukraina armiyasi orolni 2022 yilda qaytarib olgandan so‘ng unga zamonaviy havo hujumidan mudofaa tizimlarini o‘rnatgan.

Ushbu tizimlarda erta ogohlantiruvchi radarlar va zenit batareyalari borligi aytilmoqda.

2022 yil iyun oyida e’lon qilingan sun’iy yo‘ldosh suratlari ham orolda Tor zenit-raketa komplekslari joylashtirilganini ko‘rsatadi.

Bundan tashqari, Ukraina armiyasi keyinchalik Odessa viloyatining janubiy hududlariga yetib borishga qodir uzoq masofali havo hujumidan mudofaa tizimlarini o‘rnatgan.

Ilon oroli Qora dengizdagi Ukraina qirg‘og‘idan 22 mil uzoqlikda joylashgan va strategik ahamiyatga ega.