Hoshim Safiyiddin bilan birga uning yordamchilari va Hizbullohning dala qo‘mondonlari halok bo‘ldi

Bu haqda Al Arabiya ma’lum qildi.

Reuters agentligi xabariga ko‘ra, Hizbullohning yangi rahbari bilan aloqa juma kuni Bayrut chekkasida joylashgan yer osti razvedka shtab-kvartirasiga amalga oshirilgan yirik hujumdan so‘ng uzilib qolgan. Harakatning o‘zi Safiyiddinning o‘limi haqidagi xabarlarga izoh bermadi.

Isroil matbuotining yozishicha, SAXAL Safiyiddin joylashgan yer osti bunkeriga 73 tonna bomba tashlagan.

Avvalroq, Hizbulloh Nasrullohning guruh rahbari sifatidagi vorisi bilan aloqani «yo‘qotganini» tasdiqlagani ma’lum bo‘lgandi.