AQSH, Yaponiya va Janubiy Koreya mudofaa vazirlari hamkorlik memorandumini imzoladi

Pentagon rahbari Lloyd Ostin va Yaponiya va Koreya Respublikasi mudofaa vazirlari Minoru Kixara va Shin Von-sik Tokioda uch tomonlama xavfsizlik bo‘yicha hamkorlik kelishuvi doirasida memorandum imzoladi va uning kuchga kirishini e’lon qildi.

Bu haqda AQSh harbiy departamenti tarqatgan bayonotda ma’lum qilindi.

Ushbu hujjat, Pentagonda ta’kidlanganidek, siyosiy maslahatlashuvlar, axborot almashinuvi, uch tomonlama mashg‘ulotlar va «tinchlik va barqarorlikni ta’minlash maqsadida mudofaa almashinuvi sohasidagi hamkorlikni» o‘z ichiga olgan «mamlakatlarning mudofaa vazirliklari o‘rtasida uch tomonlama xavfsizlik sohasidagi hamkorlikni institusionalizasiya qiladi».