Amerikalik olim: “Koronavirus mutasiyasi uning tarqalishini tezlashtirishi mumkin”

AQSh Allergiya va yuqumli kasalliklar milliy instituti direktori Entoni Fauchining so‘zlariga ko‘ra, agar koronavirus mutasiyaga uchrashda davom etadigan bo‘lsa, dunyoda koronavirus tarqalishining tezligi yanada oshishi mumkin.

"Biz turli xil mutasiyalar virusni yanada yuqumli holatga keltirishi mumkinligini ko‘rmoqdamiz. Olimlar bu mavzuda hali ham bahslashmoqdalar, ammo men ishonaman va bu bizning tadqiqotlarimiz bilan tasdiqlangan. Virusning ko‘payishini tezlashtiradigan va organizmda uning konsentrasiyasini oshiradigan ma’lum bir mutasiya mavjud", deya ta’kidlagan mutaxassis.