Agar do‘sting namoz o‘qimasa...
Agar senda namoz o‘qimaydigan do‘st bo‘lsa, ibodatlarni ado qilmasa, ammo u boshqalarga aziyat bermasa, muruvvatli bo‘lsa, vijdonli bo‘lsa, go‘zal xulqli bo‘lsa, sodiq bo‘lsa, ishonchli bo‘lsa, aldamasa, xiyonat qilmasa, qahramon bo‘lishni suysa, demak undan yaxshilikni umid qilsang bo‘ladi.
Sen unga yordam ber. Unga yaxshiliklar taqdim qil. Insha Alloh Alloh uni to‘g‘ri yo‘lga boshlab kelajakda u musulmonlarga quvvat bo‘lar ehtimol...
Zero, undagi mavjud xulqlar insonni faqat iymonga boshlaydigan xulqlardir.
Shuning uchun Rasululloh sollollohu alayhi va sallam johiliyat davrida yaxshi inson bo‘lgan bir kishining islomga kirganini ko‘rib shunday degan edilar: "Sen oldin qilgan yaxshiliklaring uchun musulmon bo‘lding". Muslim rivoyati.
Agar rostgo‘y, ishonchli, muruvvatli va malomatchining malomatidan qo‘rqmaydigan kishini ko‘rsangizu uning islomida, ibodatida nuqson bo‘lsa, undan yaxshilikni umid qilib, Alloh tomon chaqiravering. Chunki u musulmon bo‘lsa bu xulqlarini barchasini musulmonlar xizmatida ishlatadi.
Oliy martabalar oldingilarga emas, sodiqlargadir!
