Япония суди ўлим жазосини 50 йилдан ортиқ кутган эркакни оқлади
Япониянинг Сидзуока префектураси суди 1968 йилда ўз хўжайини, унинг рафиқаси ва икки фарзандини ўлдирганликда айбланиб, ўлимга ҳукм қилинган 88 ёшли собиқ боксчи Ивао Хакамадуни қайта кўриб чиқиш жараёнида оқлади.
Бу ҳақда Kyodo агентлиги маълум қилди.
Хакамаду 1966 йилда ҳибсга олинган. 20 кунлик сўроқдан сўнг, эркак қотилликка иқрор бўлди, аммо суд жараёнида у қийноққа солинганини айтди.
Ҳимоячи ишдаги далиллар уйдирма эканлигини таъкидлади, аммо 1968 йил сентябрь ойида Хакамаду айбдор деб топилди ва ўлимга ҳукм қилинди. Ҳукм 1980 йилда тасдиқланган.
2014 йилда Сидзуоки суди жиноят жойидан топилган генетик қон материалидан олинган жиноятчининг ДНКси Хакамадунинг ДНКсига мос келмаслигини исботлади. Шундан сўнг, маҳкум озод қилинди. Бироқ кейинчалик Токио суди бу қарорни бекор қилди. 2023 йилда иш Япония Олий судига топширилди.
2011 йилда япониялик Гиннеснинг Рекордлар китобига ўлим жазосига ҳукм қилинишини энг узоқ кутган шахс сифатида киритилган эди.
