Х ижтимоий тармоғи Маск келганидан кейин биринчи шаффофлик ҳисоботини эълон қилди

Ижтимоий медиа платформаси Х чоршанба куни компанияни америкалик бизнесмен Илон Маск сотиб олганидан кейин биринчи шаффофлик ҳисоботини эълон қилди.

Ҳужжат шуни кўрсатадики, йилнинг биринчи ярмида платформада миллионлаб хабарлар ва аккаунтлар блокланган.

Ижтимоий тармоқларда аккаунтларни блоклаш аввалги даврга нисбатан 3 баравардан кўпроқ ошди.

2022 йилнинг биринчи ярмида 1,6 миллион аккаунт блокланган бўлса, 2024 йилнинг шу даврида бу кўрсаткич 5,3 миллионга ошган.

Ҳисоботга кўра, жорий йилнинг январидан июнигача «қоидаларни бузганлик» учун 10,6 миллиондан ортиқ пост ўчирилган.