НАТО учинчи жаҳон уруши учун режалар тайёрламоқда

НАТО учинчи жаҳон уруши режаларини ишлаб чиқмоқда. Бошқа нарсалар қаторида, Россия билан мумкин бўлган уруш ҳолатида ярадорларни фронт чизиғидан кенг кўламли эвакуация қилиш режаси тайёрланмоқда , деди альянснинг логистика қўмондонлиги бошлиғи, генерал-лейтенант Александр Золльфранк.

Александр Золльфранкнинг фикрича, бундай уруш катта эҳтимол билан «кенг жанг майдонида» содир бўлади ва НАТО учун жиддий йўқотишларга олиб келади. Генерал Россия Аэрокосмик кучларининг кенг имкониятлари туфайли ярадорларни ҳаво орқали эвакуация қилиш ўта хавфли бўлиши мумкинлигини, шунинг учун тез ёрдам поездларидан фойдаланган маъқул эканини таъкидлади. «Муаммо энг ёмон стсенарийда кўп сонли жабрланганларга тез ва сифатли ёрдам кўрсатишдан иборат бўлади», дея қўшимча қилди у.

Александр Золльфранк, шунингдек, НАТОнинг тиббий қоидаларини уйғунлаштириш муҳимлигини таъкидлади. Ечимлардан бири кучли дори воситаларининг, шу жумладан оғир жароҳатлар учун зарур бўлган оғриқ қолдирувчи воситаларнинг эркин ҳаракатланишини таъминлайдиган «ҳарбий тиббий Шенген»ни яратиш бўлиши мумкин, дея тушунтирди у.