90 дан ортиқ давлатлар Яқин Шарқ тинчлик конференциясини қўллаб-қувватлайди
90 дан ортиқ давлат Яқин Шарқда тинчлик ўрнатиш бўйича халқаро конференция ўтказиш тарафдори бўлди. Бу ҳақда Испания бош вазири Педро Санчес БМТ Бош Ассамблеясининг АҚШда бўлиб ўтган 79-сессиясининг умумий сиёсий муҳокамаси чоғида гапирди.
"Можаро томонлари ва халқаро ҳамжамият иштирокида зудлик билан тинчлик конференцияси ўтказиш зарур", - деди Педро Санчес.
Испания бош вазири мамлакат Фаластин маъмурияти ҳукуматини қўллаб-қувватлашда давом этишига ишонтирди. У шу йил охиригача Испания ва Фаластин ўртасидаги биринчи ҳукуматлараро учрашувни ўтказишга ваъда берди. Бу икки томонлама муносабатларни кенгайтириш ва чуқурлаштириш учун зарур. Мамлакат расмийлари ўтган йилнинг октябрь ойида Яқин Шарқдаги можароли вазиятни ҳал қилиш бўйича конференция ўтказишни таклиф қилган эди.
