Бомбаланаётган Ғазо: 356-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 356 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Рафаҳ, Хон Юнис, Нусейрат ва Жабалия лагерларига ҳужум қилди. Уруш бошланганидан буён 41495 киши шаҳид бўлди.
▪️Ғарбий Соҳилда босқинчилар Женин ва Ал-Халилга бостириб кирди. Босқинчилар Женинга 60 бирлик техника жўнатган.
▪️Ал-Қассам бригадалари Рафаҳ шарқида ишғол танклари ва транспорт воситалари колоннасини портлатиш бўйича ноёб операция ўтказди.
▪️Ироқ қаршилик кучлари 6 та дрон ёрдамида Умм ал-Рашраш (Эилат-Ҳеб.) портига ҳужум қилди.
▪️Ҳизбуллоҳ 11 та ҳарбий амалиёт ўтказди. Улардан энг муҳими шимолий минтақани таъминловчи йирик ўқ-дорилар омборининг йўқ қилиниши бўлди.
▪️Исроилнинг Ливандаги тинч аҳоли нишонларига уюштирган ҳужумларининг учинчи кунида бир кунда 72 киши ҳалок бўлди, 223 киши яраланди. Ҳалок бўлганлар орасида аёллар ва болалар кўп.
▪️АҚШ Конгрессига Исроилга айрим турдаги қарийб 20 млрд долларлик қуролларни сотишни тақиқловчи резолюция лойиҳаси киритилди.
▪️Дунё бўйлаб Ғазо ва Ливанда ўт очишни тўхтатишга чақирувчи намойишлар бўлиб ўтмоқда.
